| 個人檔案pure soul相片部落格清單 |  工具  說明 |
|
3月14日 لا اله الا اللهقال الملحدون لأبي حنيفة : في أي سنة وجد ربك ؟ 2月10日 عمي فرجو تسابق الموت الجبان
ما بين امواج
و حيتان و اعشاب
توارى العمر و انتحر الامان
و اسودت الدنيا وقام الموت
يروي قصة البسطاء
في زمن التخاذل و التنطع و الهوان
و سحابة الموت الكئيب
تلف ارجاء المكان
عمي فرج
بين الضحايا يغمض عينه
و الموج يحفر قبره بين الشعاب
و على يديه تطل مسبحة و يهمس في عتاب
الان يا وطني اعود اليك
توصد في عيوني كل باب
لم ضقت يا وطني بنا
قد كان حلمي
ان يزول الهم عني
عند بابك
قد كان حلمي
ان ارى قبري
على اعتابك
الملح كفنني و كان الموج ارحم
من عذابك
و رجعت كي ارتاح يوما في رحابك
و بخلت يا وطني بقبر
يحتويني في ترابك
فبخلت يوما بالسكن
و الان تبخل بالكفن
ماذا اصابك
يا وطن..
ماذا اصابك يا وطن؟؟
فاروق جويده
1月24日 حسبي الله و نعم الوكيل!!انا مش عارفه الراجل ده فاضله ايه عشان نعترف ان هو ما ينفعش يكون شيخ الازهر او بالاصح ما ينفعش يكون شيخ من اساسه و لا يمثل الاسلام
بعد الاساءه اللي صحف دانمركيه وجهتها للرسول عليه الصلاة والسلام جه السفير الدانمركي لشيخ الازهر و مفتي الجمهوريه عشان يعتذر طبعا بعد تاخير فظيع بس ما علينا ...يقوم شيخ الازهر يقوله ان احنا بنرفض الاساءه للرسول عشان هو "فارق الحياة"و ما يقدرش دلوقتي يدافع عن نفسه و يتساوى معاه اي واحد تاني فارق الحياه لان "قواعد الانسانيه الرشيده"بتمنع اي واحد انه يسئ للاموات بصفه عامه
تفتكر ازاي اي حد هيحترم دينا او رسولنا اذا ده الكلام اللي احنا بنقوله عن قدوتنا و امامنا و مرشدنا في امور حياتنا و امور دينا
طبعا عدد كبير من العلماء من الازهر عارضوه بشده و قالوا ان اولا الرسول حي بيننا بسنته و سيرته اللي عمرها ما تموت ابدا من قلوب المسلمين و عقولهم
و بعدين احنا بنرفض الاساءه للانبياء عشان هما انبياء مش عشان هما ماتوا
انا مش لاقيه و صف للراجل ده الحقيقه بس الحاجه الوحيده اللي اقدر اقولها ان احنا لازم ما نسكتش على الوضع ده 1月12日 امتحانات..امتحانات كل سنه و انتو طيبين يا جماعه ويا رب ينعاد عليكوا بالخير و السنه اللي جايه نكون كلنا في مكه
بس بزمتكم ده مواعيد امتحانات دي؟؟
انا عمري ما شوفت ميعاد اغبى من كده .الامتحانات ورى العيد على طول مافيش حتى يوم واحد بينهم
طب احنا كبار و نقدر نظبط امورنا مع نفسنا و اذا ماخرجناش في العيد نخرج وقت تاني لكن الاطفال الصغيرين اللي في ابتدائي و اعدادي يعملوا ايه؟؟ 12月27日 لماذا؟؟لماذا اراك على كل شيئ
كانك في الارض كل البشر
كانك درب بغير انتهاء
واني خلقت لهذا السفر
اذا كنت اهرب منك اليك
فقلي بربك اين المفر؟؟
فاروق جويده 12月16日 الليل و اخرهيا بوي عالليل و اخره
لما تصحا جروحي
حمل و ماجدرش اتاخره
عني وعن وجه روحي
زحام اوهام ماليني
بدعي اللهم ليني
يا همومي وهمليني
و بدال ما تيجي روحي
يا بوي عالليل و اخره
لما تصحا جروحي
حمل و ماجدرش اتاخره
عني وعن وجه روحي
بدعي لله تعالى
يطفي شوجي وحنيني
يا فجر يا جاي تعالى
في حمل تجيل حانيني
و يضيع كنزي اللي داخره
و روحي يا روحي نوحي
ويا بوي عالليل و اخره لما تصحا جروحي 12月4日 وحشتوني مووووووووووووتوحشتوني جدا جدا يا جماعه و الله بجد انا عارفه ان بقالي وقت طوييييل ما كتبتش حاجه و لا بدخل عند اي حد في السبايس بتاعه بس و الله كنت الفتره الاخيره حاسه باحباط غير عادي مش عارفه ليه كنت حاسه كان الكلام خلص خلاص يمكن الاحداث اللي كانت حوالينا الفتره اللي عدت هيه السبب الانتخابات و كده او يمكن الامتحانات اللي قربت و انا طبعا لسه بطيخه ما اعرفش اي حاجه في اي حاجه مش عارفه
ان شاء الله ارجعلكوا قريب بمود احسن من كده بس لغايه الوقت ده احب اقولكوا
هتوحشوني 11月8日 ياعيني عالولدالولد الصغير فرحان بلبس العيد و رايح يكمل الطقم عشان يلبسه و يخرج بيه مع اصحابه و قرايبه ويروحوا الملاهي و يتبسطوا زي اي اطفال طبيعيين بس للاسف هما مش اطفال طبيعيين لانهم اتولدوا و مكتوب في شهادة ميلادهم فلسطيني ماشيين في امان الله بيلعبوا و يهزروا و يضحكوا و فجاه قطع صوت ضحكهم صوت عنيف كانه الرعد خرجت رصاصه طايشه من بندقية جندي اسرائيلي لانه قال ايه كان فاكر انه الولد الصغير معاه بندقيه "مات الولد و هو لسه ماتنهناش بلبس العيد و طبعا اتصل شارون قال ايه يعتذر عن الخطا "الغير مقصود اما الاب المكلوم فكان رد فعله انه قرر ان موت ابنه ما يرحش هدر و انه هيتبرع باعضاؤه كل ده ياجماعه رغم قسوته و رغم انه حاجه وحشيه ماحدش بيوافق عليها حتى في الغرب اللي منحازين ضد المسلمين و العرب الا ان الا ان احنا للاسف اتعودنا عليه و بقه كل يوم في اطفال ابرياء بيتقتلوا في فلسطين او العراق لكن اللي عمرنا ما سمعنا بيه ان ابو الطفل ده قال انه يتمنى ان اعضاء ابنه اللي اتبرع بيها تروح لطفل اسرائيلي عشان يمكن لما الطفل ده يكبر يبقه له شان في الدوله الاسرائيليه و يمكن وقتها يفتكر ان اللي انقذ حياته طفل فلسطيني فيحاول يحل المشاكل اللي بين البلدين و يحل السلام على المنطقه و الله ياجماعه مانا عارفه ازاي انا بكتب الكلام ده بس انا فعلا عايزه اسمع رايكوا 11月1日 الطريق الى الجنهقال رسول الله صلى الله عليه و سلم "من لقي الله لا يشرك به شيئا دخل الجنه"
صدق رسول الله صلى الله عليه و سلم 10月20日 بير البحيرهبناءا على طلب هيثم(هيثمي) هحكيلكوا حدوته جميله من اللي تيته كانت بتحكيهم لنا و احنا صغيرين كان يا مكان يا سعد يا اكرام و لا يحلى الكلام الا بذكر النبي عليه الصلاة و السلام......كان في فرخه و بطه و حمار عايشين مع بعض في نفس البيت و كانوا هما التلاته يصحوا الصبح بدري و يخرجوا في الغيطان عشان يدوروا على الشعير و القمح عشان يتغدوا و يتعشوا و يشيلوا شويه للفطار..... و في يوم بعد ما جابوا الاكل و اتغدوا و قعدوا مع بعض شويه و واتعشوا كمان جه و قت النوم ..دخل كل واحد منهم في سريره عشان يستعدوا للصحيان بدري و في نص الليل و الدنيا هاديه و كل اللي في البيت نايمين ...صحا الحمار و هو جعان اوي و قال:انا جعان اوي مش عارف ليه مع الني اتعشيت !! مش عارف اعمل ايه؟! انا احسن حاجه اتسحب من غير ما حد يحس بيه و اروح اكل بقيت القمح اللي احنا شايلينه للفطار و راح الحمار و قعد و لا كانه عمل حاجه ياكل في قمح الفطار لغاية ما خلصه كله و رجع نام في سريره و تاني يوم الصبح لما صحت الفرخه و البطه و راحوا عشان يجيبوا الفطار مالقوش القمح...استغربوا اوي و قالت الفرخه للبطه:ايه ده؟؟!هو القمح فين؟؟ هو انت اكلتيه يا بطه. قالتلها البطه:لا انا ما اكلتوش انت يا فرخه اكلتيه. قالتلها الفرخه:لا. تعالي نسال الحمار يمكن هو اللي اكله؟!! راحت الفرخه و البطه للحمار عشان يسالوه فقالهم :لا انا ما اكلتش حاجه انا.. انا ما اخدتش حاجه ..فالفرخه قالتلهم: مافيش حل غير ان احنا نروح عند بير البحيره هو اللي هيبين مين اللي بيكذب راحوا هما التلاته على بير البحيره و قفت الفرخه قدام البير و قالت:ان كنت كلته و لا شربته اققع فيك يا بير البحيره شهرين و ليله.. و نطت الفرخه فقامت معديه للناحيه التانيه و ماوقعتش في البير .. و قفت البطه و قالت:ان كنت كلته و لا شربته اقع فيك يا بير البحيره شهرين و ليله..و نطت فماوقعتش و جه الدور على الحمار فخاف يقع و بعدين قال في نفسه:انا اكبر من الفرخه و البطه مش ممكن هاقع في البير الصغير ده.. و وقف قدام البير و قال:ان كنت كلته و لا شربته اقع فيك يا بير البحيره شهرين و ليله.. و نط.........وقع الحمار في البير بسبب الاكل الكتير اللي في بطنه اللي ماخلاهوش يعرف ينط و لما وقع في البير قعد يصرخ و يقول :الحقوني...الحقوني ..انا ماعدتش اعمل كده تاني... انا حرمت خلاص فبصت الفرخه و البطه عليه و قالوله: ده جزائك عشان كذبت علينا لما سالناك لو كنت قلتلنا ان اكلت القمح من الاول كنا هنسامحك لكن دلوقتي انت اخدت عقاب الكذابين و توته توته خلصت الحدوته حلوه و لا ملتوته؟؟؟ 10月12日 صوتكصوتك وسط القلوب انا بعرفه... صوتك مليون كمانجه بيعزفوا... صوتك ارق من النيا... صوتك غنا مالي السكات... صوتك ما فيش اي شعر يقدر حبيبتي يوصفه يمكن تستغربوا لو قولتلكوا الاغنيه ده بتفكرني بمين ....بتفكرني بتيته كنا دايما ننام بالليل على صوتها الدافي و هيه بتحكيلنا حدوته من حواديتهاالجميله كانت دايما الحدوته تبدا بالست اللي مش بتخلف و هيه بتدعي ربنا انه يرزقها بالاولاد و تنتهي بجواز جميلة الجميلات من الامير بطل القصه كانت حواديت مسليه و جميله بيتهيالي ان اطفال اليومين دول اتحرموا من القصص ده و بقوا بيناموا على اغنية روبي و لا فيديو كليب لنجلا .... ربنا يخليكي ليه يا تيته و يديكي الصحه و العافيه 10月3日 كل سنه و انتو طيبينكل سنه و انتو طيبين يا جماعه لسه دلوقتي كانت الرؤيه على التلفزيون و اعلنوا ان بكره رمضان يا رب نكتب كلنا من اهل الجنه السنه دي 9月26日 سالوني1.إذا أتيحت لك الفرصة لأن تسمع بكل صدق وصراحة رأي المقربين إليك فيك .. هل ستحب أن تسمعهم؟ 2.لو احترق منزلك فجأة وكان جميع من فيه خارجة وأصبحت لديك الفرصة لإنقاذ شيء من أشياءك بالداخل ..ماذا سيكون؟ 3.لو أخبرت إنسان عن 3 أشياء يقوم بها يوميا وستكون حياته سعيدة بم تنصحه؟ 6.لو لم تكن في وظيفتك ماذا تريد أن تصبح؟ 14.لو ألفت كتابا ماذا سيكون عنوانه؟ 15.هل لديك أمنية حياة؟ ولماذا لاتزال أمنية؟ 16.ما هي أهم ثلاث عيوب فيك؟ 23.ما الشيء الذي تفعله وسوف يحل مشكلاتك كلها أو أغلبها؟ 27.ما الشيء الذي يجعلك شخص محبوب؟ 32.إذا أتيحت لك الفرصة العودة بالزمن مرة واحدة لتغيير شيء ما بالزمن .. أي وقت سترجع؟ وماذا ستغير؟ الاسئله ده و اسئله غيرها كتير هتلاقوها في سبايس عازف الحزن السئله حلوه و السبايس كله تحفه وشوفوا بنفسكوا 9月22日 رمضان جاناكل سنه و انتو طيبين يا جماعه خلاص فاضل اقل من الاسبوعين على رمضان و ان شاء الله نخرج كلنا بعد رمضان بدون ذنوب و نكتب من اهل الجنه السنه ده..... انا ان شاء الله ناويه السنه ده انتظم في صلاة التراويح و ياريت كلكوا تحاولوا تروحوا اختاروا مسجد قريب من البيت عشان تقدروا تنتظموا و ربنا يعينا كلنا على عبادته
اللهم بلغنا رمضان 9月16日 بكره النكد بكرهخلاص النهارده اخر يوم في الاجازه الطويله و هنبدا الدراسه من بكره ان شاء الله للاسف مش هاعرف اشوفكوا كتير انتوا عارفين الدح هيبتدي ....هيهيهي ال يعني خلاص مقطعين الكتب مذاكره بس ما تنسونيش و انا هبقى دايما اطمن عليكوا و ربنا يوفق الجميع يلا باااااااي
 
 9月13日 الحره
اخر تصريحات شيخ الازهر الشيخ سيد كوسه قصدي سيد طنطاوي انه مين اللي قال ان التطبيع مع اسرائيل حرام طالما ان التطبيع ده في حدود المعاملات التجاريه و الاقتصاديه و طالما ان المنتجات اللي بنستوردها منهم سعرها ارخص من اي دوله اخرى وطالما ان ده فيه خير لمصرما سالش نفسه قبل ما يقول الكلام ده ياترى الفلوس اللي هندفعها لاسرائيل مقابل السلع اللي هنشتريها هيعملوا بيها ايه..... ما يعرفش انهم هيشتروا بيها رصاص يقتلوا بيه اطفالنا و شيوخنا او يشتروا بيها دبابات يهدموا بيها بيوتنا و يقتلعوا بيها زرعنا او يكبروا بيها معتقلاتهم عشان يسجنوا فيها شبابنا باي منطق قال شيخ الازهر الكلام ده انا بس عايزه اقول لاي حد يدخل السبايس اننا كمصريين نرفض ده تماما صحيح احنا في كتير مننا يمكن مش لاقيين الاكل او الدوا و محتاجين لاي دخل زياده في مصر بس عمرنا ما هنفرط في ارضنا عشان ناكل و زي ما في المثل العربي الحره تجوع و لا تاكل ب.......ا
9月8日 اخرج من البيباناخرج من البيبان الحر الضيقه الكون صابح جميل و الدنيا مروقه بترشرش على الولا د على الحلم في الحارات رشت على البيبان على الزحمه في الميدان رشت على البنات على الكحل على الحاجات على الضحك و الصاجات و قمصان الشقا خوفك مش قدر و هروبك مش طريق قلوعك لو ورق ما تنجيش غريق طير زي النسور من النخل للكفور غوص جوه البحور و هات الؤلؤه اخرج من البيبان الحر الضيقه كل شيء بيدبل لوحده في الخريف عيش سنين شبابك بقلب مش ضعيف ده الحلم نار و نور لو سار الكون يثور اضحك و ارقص و دور و افرح باللقى اخرج من البيبان الحر الضيقه اغنيه لمحمد منير بحبها جدا بحس انها بتديني امل يا رب تعجبكوا9月5日 تبرعوا.....انا الحقيقه صعقت لما قرات الخبر ده قطر تتبرع بمائة مليون دولار و الكويت تتبرع بخمسمائة مليون دولار لضحايا كاترينا كان الناس في بلاد المسلمين و العرب كلهم عايشين في رفاهيه و كل واحد عنده فيلا و خمس عربيات و اولاده في احسن مدارس و لا في ناس بتموت من الجوع و لا من المرض و لا في الحروب و مشاكلنا كلها اتحلت و بقى عندنا فائض فقولنا نتبرع بيهم لامريكا الغلبانه و كانها هيه اللي محتاجه لمساعدات و تبرعات و الله انا ما لاقيه كلام اقوله من كتر القرف اللي انا حاسه بيه من الناس اللي بتتحكم في حياتنا من غير من نقدر نعمل حاجه ربنا معانا و يسامحنا على سكوتنا 8月31日 happy birthday to mehappy birthday to me .........happy birthday to me
بكره هيكون عيد ميلادي ال19 و بالمناسبه ده احب اهدي باقة ورد لجدو حماده و تيته وسلامي لخالو جمال و مراته وابنه عمر و اخويا وخطيبته ..............هاهاهاهاهاهاها لا بجد احب اعرفكوا بالناس اللي لهم تاثير كبير في حياتي و انا بشكر ربنا انهم موجودين جنبي بابا:اعتقد ان هو اكتر واحد اثر في شخصيتي و اتعلمت منه حاجات كتير هتساعدني في حياتني كلها بعد كده ان شاء الله ماما:حنينه اوي و طيبه اوي و بعتبرها صاحبتي اكتر منها مامتي وهي اللي دايمه بتخليني اثق في نفسي و في قدراتي ربنا يخليهاايمان:اختي الكبيره و اول واحده بحكيلها على اي مشكله تواجيهني و بثق في رايها جدا لان عارفه ان هي بتحبني... و لا ايه يا اواو؟؟؟ منة:اختي الصغيره انا وهيه قريبين اوي لبعض و دايما نقعد مع بعض و بتحسسني اني احسن واحده .....(انت اجمل فتاه في العالم....هاهاهاهاهها)ا سلمى:صاحبتي بس انا و هيه اكتر من الاخوات دايما بحس انها جانبي في الجد وفي الخروج و في المذاكره ووقت ما اكون متضايقه او زعلانه و ساعة اللعب ما بتخيلش الحياه من غيرها نهال:صحبتي برده طيبه و قلبها ابيض هي عصبيه شويه بس برده اتعلمت منها حاجات كتير احمد قباري:كان مدير المدرسه الاعدادي بتاعتي كان شخصيه محترمه لاقصى درجه اثر فيه وفي شخصيتي كتير انا بشكرهم كلهم و كل عام و انا الى الله اقرب
8月26日 طفوله.......بطولهشايفين البنوته اللي زي القمر ده تخيلوا ان هي واقفه قدامكم دلوقتي يا ترى هتقولولها ايه ???????8月23日 موضه اخر زمنانا لاول مرة من ساعة ما دخلت المدارس احس اني عايزه الدراسه تبدا بسرعه. الكليه وحشتني اوي مش عارفه ليه بس بصراحه الواحد بيشوف شوية مناظر في الكليه غريبه!!!!!!!! الاولاد كلهم بيلبسوا شبشب حمام بصوبع كده و بنطلون واقع من مكانه و يقولوا قال ايه الموضه!!! موضة ايه ده بس بالذمه.... و البنات يحشروا نفسهم في بنطلون جينز بتاع اختها الصغيره و بادي هينفجر من الضيق و تقول الموضه!!! و كان الموضه هيه اللي بتتحكم في الناس ؤمش الناس هيه اللي بطلع الموضه... صحيح الواحد لازم يعيش سنه وانا ما بقولش انهم يروحوا الكليه بالبدله و الكرافته بس عللى الاقل يبقى في احترام للمكان اللي الواحد بيدرس فيه و يبقى فيه مراعاة للدين و الاخلاق و الواحد بينقي لبسه و لا ايه؟؟؟!!!!!!!!! 8月18日 اما بنعمة ربك فحدثاذا كان لديك بيت يؤويك و مكان تنام فيه و طعام في بيتك و لباس على جسمك فانت اغنى من 75%من سكان العالم اذا كان لديك مال في جيبك و استطعت ان توفر شيئا منه لوقت الشده فانت واحد ممن يشكلون 8%من اغنياء العالم اذا كنت قد اصبحت في عافيه هذا اليوم فانت في نعمه عظيمه فهناك مليون انسان في تالعالم لن يستطيعوا ان يعيشوا لاكثر من اسبوع بسبب مرضهم اذا كنت لم تتجرع خطر الحروب و لم تذق طعم وحدة السجن و لم تتعرض لروعة التعذيب فانت افضل من 500 مليون انسان على سطح الارض اذا كنت تصلي في المسجد دون خوف من التنكيل او التعذيب او الاعتقال او الموت فانت في نعمه لا يعرفها 3 مليارات من البشر اذا كنت تبتسم و تشكر المولى عز و جل فانت في نعمه فكثيرون يستطيعون ذلك و لكن لا يفعلون اذا قرات هذه الكلمات فانت في نعمه عظيمه و هي انك افضل من مليارين من البشر اللذين لا يحسنون القراءه في ذه الدنيا و من تمام الحمد ان تذكر الاخرين بنعم الله عليهم فالذكرى تنفع المؤمنين 8月16日 فلسطين .....فلسطين في قلوبنا جميعا و القصيده ده انا قراتها في سبايس رائع بتاع بنوته فلسطينيه اتمنى قريب ترجع هيه و اخواتها كلهم لفلسطين وطنهم الابدي و ده اللينك بتاعهhttp://spaces.msn.com/members/shrand/ كيف أكون طفلة بدون حرية ... وكيف الهو وقضيتي منسية ... أنا طفلة البساتين فلسطينية الهوية ... أنا من قاتل بإسم الحرية ... لن ألعب إلا بالحجارة
8月14日 الطربوش و الديموقراطيهخلاص يا جماعة اتحلت مشاكل المصريين
ولا بقى فيه فساد ولا بطالة ولا واسطة ولا رشاوى ولا طوارىء واتحلت مشاكل الإسكان والتعليم والإقتصاد والزراعة والبحث العلمى والصحة ومبقاش فاضل غير "اللوك" بتاع المصريين. عشان كده اكد احد المرشحين فى انتخابات الرئاسة انه هيرجع الطربوش أيوه هى فعلا زى ما قريتها.. مفيش خطأ مطبعى ولا حاجة الطربوش على قائمة برنامج(..........)رئيس حزب معرفش ايه واللى دخل سباق الإنتخابات وهو لابس الطربوش فعلا يعنى بيطبق عملى يا جماعة بس الواحد مش عارف يا ترى الطربوش لما يرجع هيكون زى ما كان زمان وللا هيتطور ويبقى مناسب لعصر المعلومات.. الموضوع ده انا لقيته في موقع http://egyption-fun.blogspot.com/بس فعلا اللي كاتبه معاه حق بس اكيد هينزل من الطربوش ده الوان مختلفه لان الديموقراطيه بتتطلب ان كل واحد يلبس اللون اللي يعجبه ما تقلقوش مصر لسه بخير |
|||||||||||||||||||||||||||||||||
|
|
